ختم نبوتﷺ احادیث کی روشنی میں

مجھے تمام مخلوقات کی طرف بھیجا گیا ہے اور مجھ پر نبوت ختم کر دی گئی ہے۔

(صحیح مسلم)

قرآن مجید میں ختم نبوتﷺ کا تصور

 حضور نبی اکرم ﷺ کی ختم نبوت کا ذکر قرآن حکیم کی سو سے بھی زیادہ آیات میں نہایت ہی جامع انداز میں کیا گیا ہے۔ارشادِ خداوندی ہے :
محمد ( ﷺ) تمہارے مَردوں میں سے کسی کے باپ نہیں ہیں لیکن وہ اللہ کے رسول ہیں اور سب انبیاء کے آخر میں (سلسلۂِ نبوت ختم کرنے والے)  ہیں، اور اللہ ہر چیز کا خوب علم رکھنے والا ہے

 الاحزاب،33:40

ختم نبوتﷺاولیاء کرام اور علماءکرام کی نظر میں

امام غزالی ؒ  فرماتے ہیں’’ بیشک امت نے بالاجماع اس لفظ (خاتم النبییّن)سے یہ سمجھا ہے کہ اس کا مفہوم ہے کہ آپﷺ کے بعد نہ کوئی نبی ہو گا اور نہ رسول ،اور اس پر اجماع ہے کہ اس لفظ میں کوئی تاویل و تقصیص نہیں۔پس اس کا منکر یقینا ً اجماع امت کا منکر ہے۔‘‘(الاقتصاد فی الاعتقاد، صفحہ 123)

ختم نبوتﷺصحابہ کرام ، محدثین اور آئمہ کرام کی نظرمیں

جنگ یمامہ مسیلمہ کذاب کے خلاف حضرت ابو بکرصدیقؓ  کے دور میں لڑی گئی ۔ سیدنا ابو بکرصدیقؓ  نے حضرت خالد بن ولیدؓ کو حکم فرمایا کہ ’’مسیلمہ کذاب کے گروہ کے تمام بالغ مردوں کو قتل کردیا جائے،عورتیں اور کم سن لڑکے قیدی بنا لئے جائیں۔‘‘(البدایہ والنہایہ ، جلد 6، صفحہ 1166)
ایک روایت کے مطابق اس موقع پر حضرت ابو بکرصدیقؓ نےفرمایا کہ’’وحی کا آنا منقطع ہو چکا ہےاور دین تمام ہو چکا، کیا یہ ہو سکتا ہےکہ دین مٹے اور میں زندہ رہوں‘‘ (مطالعہ قادیانیت ازعلامہ ڈاکٹر خالد محمود)